قلق من المستقبل

Mango_30835 🇹🇷

منذ شهر واحد

شعور خجول

عبّر عن شعورك بشكل مجهول

ساعات كتير اهالينا بيقعدو يحاولو يوعو فينا وغالبا مش بنفهم غير لما نتدعك في الحياه مره واثنين وتلاته..بصراحه حاسه وانا داخله عال٢٢ سنه بتغيرات كتير في وجهات نظري مش عارفه يمكن علشان بقيت بقرا في تفسير القرآن بتركيز ولا علشان في كتب رهيبه جدا قرأتها حسيتها شبه بضبط الي عيشته من وجع وكده بس كل حاجه بيحكيها الكاتب بيقول بعدها وجهة نظره فيها فالي هو بشوف حاجه أنا عشتها وبسمع وجهة نظر ده حتى دفعت كتير بس جبت الكتابين التانيين ولو أن فيهم شبه من الاول
دلوقتي فين الفكره
حاسه اني وجهة نظري اتغيرت فحاجات كتير يعني فالاول كنت بنقص من نفسي لما احب الي قدامي وميحبنيش واجري ورا بنت او ولد ولا لما اعمل خير ومحسش بتقدير ولا لما بفكر فموضوع العلاقات حاسه حاجات كتير اتغيرت تفكيري وده مسببلي اني خايفه ومش منطمنه عالدنيا الجايه
بقيت بحس أنه العمر قصير فالاصل أنه نعامل ربنا فالناس ولو صعبين
وأنه البنت عزيزه جداا وبغض النظر بقى عن الكلام الكلاسيكي فأنا بقيت وجهة نظري أن مش اي حد اقول عليه صديقه او ادخلوا حياتي مش كله يستاهل ومش كله سالك ولا كله بيصون ولا بيبقى قد الثقه أنا بس بقيت شايفه أن لازم الشب هو الي يحاول وحتى مش بطرق وعره لا لازم يبين جديته ويبينها جدا حتى مش اي حد من البنات يقول صحبتي مش تكبر بس اكتشفت ازاي الدنيا بتختلف لما الواحد يفوق على حاجه اسمها قيمته كل انسان قيم جدا وحاجات كتير تقلل من قيمتنا وحاجات كتير تعليها واحنا الي بنختار بس بقيت مقتنعه اني مش هبص لاي حد مش بيبادلني وأنه لازم دايما اخد وعطى علشان أنا لليوم كنت الكلبه المخلصه الوفيه وياما اتخذلت من اقرب الناس حتى صحابي لما بيقولو ياا هو حطني فبالو ولا ايه بقيت أنا لو حصل معايا موقف شبيه الي هو جدا عادي الي عايز مش هيلف الي عايز خلي يجي يبين وبقولهم أنه سبيكم من اي وهم لحد ما ربي يبعت النصيب غير كده مفيش غير التطوير اكتر واكتر ف في طائر العنقاء فقصته أنا مش فارق معايا غير بي ونجاحي اكتر واكتر بس ارجع واقول النضج المفاجئ ده مخوفني وعاملي قلق

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_47020 🇪🇬

منذ 3 أشهر

شعور محبط

الايام دي حاسه بيأس فظيع بقوم و اذاكر بس عشان المفروض اعمل كدا مش عشان انا عاوزة و عندي شغف ( دي مش طبيعتي ) بتبسط لما يجي وقت النوم و بتمنى الليل ميخلصش بنام كتير جدا و بحس اني مش عاوزة اقوم معنديش رغبه في اي حاجة لا اكل ولا كلام ولا اي حاجة بحبها بعدي ايامي و خلاص معنديش تطلع ولا تفاؤول ولا امل في

Coffee_33837 🇦🇪

منذ 4 أشهر

شعور مستنزف

عندي 26 سنه وبشتغل عشر ساعات على رجلي وبتحرك كتير وبسرعه (ساعات بجري كمان) ساعات بخاف ان الشغل المرهق ياكل من صحتي بدري حد يطمني ويقولي ان دا مش دايم مش عايز ابقا عندي ٣٠ سنه بس صحتي وملامحي ٦٠ طمنوني

Coffee_33188 🇪🇬 طالما الرزق حلال اي اللي يقلق …اعرف انك طالما بتسعي ربنا عزوجل هيكرمك ع صبرك وشقاءك …بس انا ممكن انصحك ممكن تتدور ع شغل تاني طالما ف فكرة الارهاق دخلت دماغك والاسهل انك تشيلها يعني. بس عامةً ممكن مثلاً تاخد كورسات لغة اجنبية شوف اللي يناسبك لان من نحية اللغة ف مجالات شغل كتير جداً واولهم كول سنتر ومرتباتهم حلوة جدا

عرض الكل 5 نصيحة

Avocado_28452 🇪🇬

منذ 4 أشهر

شعور مرتبك

انا عندي 20 سنة والدى مسافر بقالو 10 سنين وانا عايش مع امى واخواتى بس احنا مش قريبين من بعض و دائما خناق من فترة روحت كشفت عند دكتور مسالك بولية بسبب حاجة ظهرتلى وكده من غير ما حد يعرف حاجة خالص قالى لازم اعمل تحليل سائل منوي وعملت و النتيجة طلعت انى عندى تشوه فى الحيوانات المنوية وبطئ فى حركة الحي

Avocado_30994 🇪🇬

منذ 5 أشهر

شعور ضائع

انا ف ٢ ث علمي ومعرفش حاجه فالمنهج قلقانه من السنه الجاية لاني منزلتش دروس الترم ده خالص حاسه اني معرفتش انا هعرف اكمل علمي ولالا كنت المفروض احدد السنادي بدايه السنه حاسه اني مش هجيب مجموع وكله هيلومني اني دخلت علمي انا مكنتش عايزه ادبي من قبل م ادخل ثانوي اصلاً بس شوفت ناس بتقول متختارش اللي انت ب

Watermelon_49145 🇪🇬

منذ 5 أشهر

شعور مهتم

انا بعلاقه مع شخص اصغر مني بخمس سنوات وهو حاليا يدرس حاولت كتير ان ما اكون فالعلاقه دي لاكن هو فضل متمسك فيا اثبتلي كتير انو بيحبني وحاول يكون معاي وانا كملت معاه قالي بس اكمل دراسه وهاجي اتقدم لك قلقانه من الموضوع دا ومش عارفه اي الي ممكن يحصل بس انا بحب الشخص دا وهو بحس منه نفس الشيء

Lemon_51056 🇪🇬 طيب هو اهلك لو جه اتقدم هيوفقو اصلا ولا لا و لو هيوفقو و هو فعلا بيحبك يبقي استنيه

عرض الكل 2 نصيحة

Ice Cream_51334 🇪🇬

منذ 5 أشهر

شعور مكسور القلب

عبّر عن شعورك بشكل مجهول

عندي مشكلة كبيرة اوي بس مش عارفه احكيلها لاي حد اعرفه فقلت احكيهالكم اخواتي الفواكه يمكن حد يفيدني مبدايا كده عندي مشاكل نفسيه بسبب ابويا هو اذاني كثير زمان لدرجه خلاني اكره فكره ان ممكن اتجوز بقا واعيش الحياة دي لحد ما قابلت حد كويس خلاني اغير فكرتي عن الموضوع ده واشوف الحلو اللي فيه المشكله ان الشخص ده في صفات ظهرت فيه شبه ابويا ممكن اللي ظهر الحاجات الحلوه بس لكن ده مش مريحني خايفه يكون زي ما متشابهين في الحلو يتشابهو في الوحش مش عايزه افضل طول حياتي بالشكل ده انا تعبت وزهقت من ادويه الاكتئاب خلاص قررت خلاص اتجوز مين معرفش اللي اعرفه ان في حد بحبه وابي رافضه وحد معرفش عنه كثير ومحصلش تعامل قبل كده لكن الظاهر عنه انه كويس وابي موافق عليه اللي بحبه ده خلاني اشوف نفسي احسن غير فيا حاجات كثير حلوه وجوده لحده بغير نفسي للاحسن بس خايفه منه يطلع زي ابويا هو عصبيته وحشه اوي و انا مقدرش استحمل الشكل ده من العصبيه متعصبش عليا بالشكل ده لكن شفت العصبيه دي في تعامله اهله وصحابه وهله كمان مخوفيني مش شبه الناس اللي اعرفها امه صعبه اوي والثاني اللي معرفش شخصيته بالظبط محترم واهله بيحبوني لكن معرفش طبعه عامل ايه متعاملناش عايزه ابعد عن الجواز كله بس بالنسبالي هو الوسيله الوحيده للخروج من الحياه دي مينفعش اختار حد غلط لاني لوحدي في الحياه معنديش اللي اروحله اشتكيله ويقف في صفي لو حصل اي مشكلة بيني وبين اللي هتجوزه ابويا اللي المفروض سندي زي باقي البنات لو رحتله وقاله عمل فيا كزا هيقول تستاهلي ومش هيقوله بتعمل ايه معنديش حد حرفيا الجأله لو وقعت في خيار غلط هنتحر لو حصل حاجه مش حمل كسره اكثر من كده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Corn_37164 🇪🇬

منذ 5 أشهر

شعور متوتر

انا ثانوية عامة وتايهة ومراكمه ومش عارفه اعمل اى ولا عارفه الم المنهج ونومي مش مظبط مبعرفش انام اكتر من 3 ساعات متواصل وحاولت كتير اول السنة اظبط نومي ودايما طاقتي وجهدى مش مساعديني اقعد اكتر من ساعه ع المنهج ومش بخلص اللى ورايا ومراكمه حل والدنيا بايظه من كل ناحيه وقلقانه وكلو بيقولي انى مطالبه بال

Sugar_49831 🇪🇬 بصي هقولك حاجه جربى تمشى علي الروتين دة هيريحك جاامد ان شاء الله اصخى قبل الفجر بساااعة وااحدة وخدى شااور عشان تفوقى وصلى ركعتين قبل الفجر وبعدين صلى الفجر وابداى ذاكرى ..... طبيعة الوقت دة بيكون هادى وفى بركة هتزاكرى فيه اكبر قدر ممكن كل نص ساعة خدى عشر دقايق راحة عشان مخك يشتغل من تانى وبعد العصر اتغدى ونامى ساعة وبعدين قومى شوفى اى حاجه تعمليها ونامى من بعد العشا على 8 كدة لحد الفجر

عرض الكل 9 نصيحة

Broccoli_43317 🇪🇬

منذ 5 أشهر

شعور متوتر

عبّر عن شعورك بشكل مجهول

هوا ليه محدش بيحس بحد ؟
سؤال نفسي حد يجاوبني بيه بس بحواب مقنع ليه كل الناس شايفه انها احسن بعض معا اننا بنكمل بعض و ليه كل واحد علشان واحدة سابته طالع يقول انا وانا وتعبان و قرفان و عايز اموت معا دا حب ربنا فيك بيعرفك ان لله و ان اليه راجعون يعني محدش هيفض و لا هيسندك غير الله عز و جل و ثانيا هوا انا علشان بفضفض هنا يبقي بشقط لا والله بس احسن من اني اكتم جوايا و بعدين انا الحمد لله بخير دلوقتي و كل حاجه بس في حد كدا في دماغي ديما بيضغك عليا و ديما بيخليني ندمان علي الماضي و قلقان من المستقبل كان فعلا نفسي الحياة تمشي زي ما انا عايز كنت هبقي احسن من كدا بس الحمدلله قدر الله ما شاء فعل و انا دلوقتي طالع اقول اني محدش شايف الي جوايا ف محدش يحكم عليا من غير ما يعرفني و الي معاه كلمه حلوة تمم غير كدا محدش يكلمني اصلا 
المهم ! 
امهاردة كان يوم مش حلوة في الشغل الاول نزل عليا خصم تأخير و بعد كدا لقيت صاحب الشغل بيكلمني بقرف انا مش فاهم ليه المهم بعد كدا لقيت دماغي بدأت تشتغل و بتقولي هوا بيكلمنا كدا ليه هوا ماسك علينا حاجه و مخلياني عايز اتخانق معاه بس مكنش ينفع 
و اخر اليوم جيه بيقولي في حاجات ناقصة ف انا بقولو انت بتسرقني قالي لا مش كدا بس هما راحو  فين قولتلو معرفش و انا فعلا معرفس والله هما راحو فين ملخص الموضوع انا عايز ارتاح من دماغي الي ديما مسودة عيشتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.